O vídeo anterior móstranos o proceso que orixinará a división celular; a mitosie. Este consiste no reparto equitativo do material xenético(distribución dos cromosomas) e na división do núcleo celular. A mitose divídese nas seguintes etapas: profase, metafase, anafase e telofase.
- INTERFASE: esta etapa realízase antes da mitose; na que os cromosomas xa se duplicaron pero aínda están en forma de cromatina. Os dous pares de centríolos son visibles no citoplasma. A membrana nuclear está intacta.
- PROFASE: a cromatina condénsase e os cromosomas comezan a facerse visibles. Os centríolos sepáranse e a partir deles comezan a medrar os microtúbulos do fuso mitótico.
- PROFASE TARDÍA: vai desaparecendo a membrana nuclear. Os centríolos diríxense cara os polos opostos e o fuso está case formado.
- METAFASE: desapareceu a membraba nuclear. Os cromosomas colócanse no centro da célula.
- ANAFASE: as cromátidas de cada cromosoma sepáranse, os microtúbulos do fuso contráense , acúrtanse e arrastran ás cromátidas cara aos polos da célula, onde se formarán as dúas células fillas.
- TELOFASE: os cromosomas alcanzaron os dous polos da célula e comezan a descondensarse para formar novamente cromatina. Aparece a membrana nuclear e desaparece o fuso mitótico. Iníciase a citosinese.
No hay comentarios:
Publicar un comentario